VIGOGO CHUONI ARUSHA ( IAA) WAFIKISHWA KIZIMBANI


Wafanyakazi 11 wa Chuo Cha Uhasibu Arusha, wakiwa katika Makahakama ya Hakimu Mkazi wa Mkoa wa Arusha jana,  walikofikishwa na kusomewa mashtaka manne ya matumizi mabaya ya madaraka na kuisababishia serikali hasara ya Sh. 6.2 milioni. Picha na Peter Saramba
KWA UFUPI
  • Katika shtaka la kwanza, Profesa Monyo na mwenzake Jerome Augustine ambaye ni Mkuu wa Idara ya Ununuzi chuoni hapo wanadaiwa kutumia vibaya madaraka yao kwa kuhamisha umiliki wa Solar Power Back-up Kit yenye thamani ya Sh6.2 milioni, mali ya chuo na kuifanya mali binafsi ya mkuu huyo wa chuo.

Arusha.  Vigogo 11 akiwamo Mkuu wa Chuo cha Uhasibu Arusha (AA), Profesa Johannes Monyo, wamefikishwa Mahakama ya Hakimu Mkazi Arusha jana na Taasisi ya Kuzuia na Kupambana na Rushwa (Takukuru), kwa kosa la uhujumu uchumi na kuisababishia hasara serikali.
Katika shtaka la kwanza, Profesa Monyo na mwenzake Jerome Augustine ambaye ni Mkuu wa Idara ya Ununuzi chuoni hapo wanadaiwa kutumia vibaya madaraka yao kwa kuhamisha umiliki wa Solar Power Back-up Kit yenye thamani ya Sh6.2 milioni, mali ya chuo na kuifanya mali binafsi ya mkuu huyo wa chuo.
Mwendesha Mashtaka wa Serikali, Wakili Kilongozi Adama aliyekuwa akisaidiana na Wakili Hamidu Simbano alidai mbele ya Hakimu Mkazi, Mustapha Sayani kuwa washtakiwa walitenda kosa hilo Septemba 30, 2011 kinyume cha kifungu cha 31 cha sheria namba 11 ya kuzuia na kupambana na rushwa ya mwaka 2007.
Shtaka la pili linawakabili wajumbe wa bodi ya zabuni wa chuo hicho, Jerome Augustine, Chacha Wambura, Mpoki Mwasaga, Papias Njaala, Mathew Melita, Mary Thomas, Elisaria Kisanga na Gerald Malisa ambao kwa pamoja wanadaiwa kutumia madaraka yao vibaya kwa kuruhusu ununuzi wa kifaa hicho cha Umeme Jua kinyume cha sheria.
Katika shtaka la tatu, Wakili Adam alidai kuwa kati ya Novemba Mosi na 30, mwaka 2011, washtakiwa Jerome Augustine, Faraji Mnyepe na Honory Mkelemi walitumia madaraka yao vibaya kwa kusaidia malipo ya Sh6.2 milioni kwa ajili ya kifaa hicho cha umeme jua kinyume cha sheria.
Shtaka la nne linawakabili washtakiwa Johannes Monyo na Jerome Augustine wanaodaiwa kuwa mnamo Julai 26 na Novemba 30, mwaka 2011, kwa pamoja wakiwa waajiriwa wa Chuo cha uhasibu, waliisababishia taasisi hiyo hasara ya Sh. 6.2 milioni kinyuma cha kifungu cha 31 ya sheria namba 11 ya makosa ya kupambana na kuzuia rushwa ya mwaka 2007.
Kabla ya kuwasomea watuhumiwa mashtaka yao, Wakili Adam aliiomba Mahakama kutoa hati ya kuwakamata washtakiwa namba tano Mpoki Mwasaga, namba Saba Mathew Melita na namba 10 Gerald Mkelemi ambao hawakuwepo mahakamani jana, ombi lililokubaliwa kwa Hakimi Siyani kutoa hati hiyo.
Upande wa mashtaka pia uliomba kubadilisha jina la mshtakiwa wa nne Chacha Wambura ambaye awali jina lake liliandikwa Chacha Makamba Augustine, Mahakama ilikubali ombi hilo.
Upelelezi wa shauri hilo lililovutia umati mkubwa wa wanafunzi na wafanyakazi wa Chuo cha Uhasibu umekamilika na itatajwa Agosti Mosi, mwaka huu ambapo washtakiwa watasomewa maelezo ya awali ya kosa.
Awali kabla ya Mahakama kuanza, kulitokea mvutano kati ya kundi la waandishi wa habari, ndugu, jamaa, marafiki na wapambe wa watuhumiwa waliokuwa wakijaribu kuzuia upigaji wa picha kabla ya hakimu kuingia.

Maoni

Chapisha Maoni

Machapisho maarufu kutoka blogu hii

Ujerumani yanyakua Kombe la nne la Dunia

Picha
Ujerumani imenyakuwa Kombe la Dunia kwa mara ya nne na kuwa timu ya kwanza ya Ulaya kulitwaa kombe hilo katika ardhi ya Amerika Kusini baada ya kuishinda Argentina goli moja kwa sifuri katika fainali Washangiliaji waliomimika kwa maelfu kuangalia mechi hiyo ya aina yake walikuwa wakiishangiria Argentina, huku zaidi ya raia 100,000 wa Argentina wakiripotiwa kumiminika nchini Brazil kupitia mpakani na baharini, lakini hilo halikuwadumaza Wajerumani. Mario Götze ndiye aliyeweka kimiani goli la kwanza na la pekee katika dakika 113 na hivyo kuiandika nchi yake kwenye kitabu cha historia ya ushindi wa Kombe la Dunia. Kwa mara ya kwanza Ujerumani ilishinda Kombe hilo mwaka 1954, kisha 1974 na 1990, wakati huo bado ikiwa imegawika kati ya mashariki na magharibi. Ushindi wa mara hii ni wa kwanza tangu mashariki na magharibi kurudi tena kuwa taifa moja la Jamhuri ya Shirikisho la Ujerumani. Ujerumani ndiyo timu ya kwanza ya Ulaya kushinda Kombe la Dunia katika ardhi ya Amerika y
Endelea kusoma

Abu Bakr al-Baghdadi: Nguo ya ndani ya kiongozi wa IS 'iliibiwa' kufanya uchunguzi wa DNA

Picha
Haki miliki ya picha Image caption Vikosi vya muungano vya Syria (SDF) vinavyoongozwa na wapiganaji wa Kikurdi vinasema majasusi waliiba nguo za ndani za Abu Bakr al-Baghdadi ambayo ilitumiwa kufanya uchunguzi wa chembe chembe za vinasaba, DNA kabla auawe. Kamanda wa mwandamizi wa SDF Polat Can anadai kuwa wapelelezi wao walichangia kwa kiasi kikubwa juhudi za kupata maficho ya kiongozi wa kundi la Islamic State (IS) kabla ya oparesheni ya vikosi maalum vya Marekani nchini Syria. Serikali ya Tanzania yalaumiwa kuhusu wakimbizi wa Burundi Asili ya binaadamu wa leo 'yagunduliwa Botswana' Rais mstaafu Kenya atibiwa hospitalini, sio mara ya kwanza Baghdadi alijilipua na kujiua mwenyewe wakati wa oparesheni ya kumsaka. Marekani imepuuza jukumu la vikosi vya Kikurdi katika oparesheni hiyo. Akizungumzia oparesheni hiyo Oktoba 27, Rais wa Marekani Donald Trump alisema vikosi hivyo "vilisaidia" kutoa habari lakini akaongeza hawakufanya ''jukumu lolote
Endelea kusoma

HILI NDILO BIFU KUBWA KATI YA RIHANA NA NICK MINAJ.

Picha
    Wasanii wawili wenye majina makubwa zaidi duniani Nicki Minaj pamoja na  Rihanna wana ugomvi ambao chanzo cha ugomvi huo. Hit maker wa single ya  ‘Pills N Potions‘ amesema amechukizwa na kitendo cha msanii mwenzake Rihana kuharibu urafiki wake kati ya yeye na na msanii Drake   Baada ya Drake kuachana na Drake,msani drake hasikiki kabisa,inasemekana Nick minaji anaweza kumwita Rihanna na wazungumze juu ya swala hili alilomfanyia rafiki yake Drake,Siku moja kwenye vyombo vya habari vya marekani Nick alikariria akisema    ‘One day, I will run away with Drake and get married, but right now it’s just a fantasy.’   Drake pamoja na Rihhana waliacha mwezi mmoja uliopita baada ya kutokea ugomvi baina yao na kufanya kusambaratika kwa uhusiano wao
Endelea kusoma