Saudi Arabia: Wapenzi sasa kulala chumba kimoja cha hoteli Saudia


Saudia inatafuta njia za kurekebisha picha yake mbele ya wataliiHaki miliki ya pichaREUTERS
Wapenzi raia wa kigeni ambao hawajaoana sasa wanaweza kulala chumba kimoja cha hoteli nchini Saudi Arabia.
Hayo ni sehemu ya mabadiliko ya masharti ya kupata viza yaliyotangazwa hivi karibuni na taifa hilo ambalo limekuwa likiendeshwa na sheria za kihafidhina za dini ya Kiislamu.
Wanawake pia sasa wataruhusiwa kupanga vyumba vya hoteli peke yao.
Wapenzi hapo awali walitakiwa kutoa uthipitisho wa kuwa wameoana kabla ya kupata chumba cha hoteli.
Mabadiliko hayo yanakuja katika kipindi ambacho serikali ya Saudia inajipanga kukuza sekta ya utalii nchini humo.

Vipi kuhusu pombe?

"Raia wote wa Saudia wanatakiwa kuonesha vitambulisho vya familia ama uthibitisho wa mahusiano wakati wa kukodi vyumba vya hoteli," ameeleza Kamishna wa Utalii na Urithi wa Taifa wa Saudia katika taarifa yake.
"Uthibitisho huo hata hivyo hautawahusu watalii raia wa kigeni. Wanawake wote, wakiwemo raia wa Saudia sasa ruksa wanaweza kupanga vyumba vya hoteli wakiwa peke yao, alimradi tu wawe na vitambulisho."
Mabadiliko hayo yanaeleza kuwa watalii wanawake si lazima wavae ushungi lakini wanategemewa kuwa watavaa kwa kujihifadhi vizuri.
Pombe ingali marufuku.

Nini kimesukuma mabadiliko hayo?

Mwanaharakati nchini saudia akiendesha gari
Kwa muda mrefu Saudia imekuwa ikionekana kama nchi yenye masharti magumu zaidi duniani. Sasa utawala wa Kifalme unajaribu kuiondosha picha hiyo kwenye mitazamo ya watu, hususani wawekezaji na watalii wa kigeni.
Mwanamfalme Mohammed bin Salman katika miaka ya hivi karibuni amejaribu kufanya mabadiliko katika nchi hiyo ambayo viongozi wa kidini wa kihafidhina ndio wamekuwa wakiamua nini kiwe sheria.
Mabadiliko hayo yamehusisha kuondolewa kwa marufuku ya wanawake kundesha magari, na kuwaruhusu wanawake kusafiri bila ya kusindikizwa ama kupata ruhusa ya mwanaume.
Hata hivyo mabadiliko yote hayo yamemezwa na mambo mengine yanayoendelea nchini humo ikiwemo mauaji ya mwanahabari Jamal Khashoggi.
Simon Calder, ambaye ni mhariri mwandamizi wa habari za utalii na safari wa gazeti la The Independent, amesema kulegeza masharti ya viza kutaleta ongezeko kubwa la watalii nchini humo.
"Kwa kufanya jambo lililokuwa na urasimu mkubwa kuwa jepesi kutafanya idadi ya watalii kuongezeka maradufu - mwanzoni, naona, watakuwa (watalii) wale wanaovutiwa na ulimwengu wa Kiarabu na urithi wake," Bw Calder ameieleza BBC.

Maoni

Chapisha Maoni

Machapisho maarufu kutoka blogu hii

Nani aligharamia ukarabati wa kifahari wa ofisi ya Mkuu wa mkoa

Picha
Picha zimekuwa zikisambaa kwenye mitandao kuonyesha ufahari wa hali ya juu wa ofisi ya Mkuu wa mkoa wa dar es salaam. Ofisi hiyo imekuwa tofauti kabisa na ile ya Mkuu wa mkoa aliyepita bwana Sadick, ofisi ya Makonda ina kompyuta kadhaa za apple,mapambo mengi ya kila aina yanayoashiria ufahari na utukufu wa hali ya juu kuliko hata ofisi ya rais. Nani aligharamia ufahari huu wakati hata ikulu haijabadili muonekano? Kulikuwa na umuhimu wa kuweka ufahari huo katika kipindi hiki cha kubana matumizi? Nini kilipungua katika ofisi ya aliyekuwa Mkuu wa mkoa mpaka ufahari uongezwe katika jiji ambalo limezungukwa na wananchi wenye hali ngumu na maisha yasiyoridhisha. By iparamasa
Endelea kusoma

Abu Bakr al-Baghdadi: Nguo ya ndani ya kiongozi wa IS 'iliibiwa' kufanya uchunguzi wa DNA

Picha
Haki miliki ya picha Image caption Vikosi vya muungano vya Syria (SDF) vinavyoongozwa na wapiganaji wa Kikurdi vinasema majasusi waliiba nguo za ndani za Abu Bakr al-Baghdadi ambayo ilitumiwa kufanya uchunguzi wa chembe chembe za vinasaba, DNA kabla auawe. Kamanda wa mwandamizi wa SDF Polat Can anadai kuwa wapelelezi wao walichangia kwa kiasi kikubwa juhudi za kupata maficho ya kiongozi wa kundi la Islamic State (IS) kabla ya oparesheni ya vikosi maalum vya Marekani nchini Syria. Serikali ya Tanzania yalaumiwa kuhusu wakimbizi wa Burundi Asili ya binaadamu wa leo 'yagunduliwa Botswana' Rais mstaafu Kenya atibiwa hospitalini, sio mara ya kwanza Baghdadi alijilipua na kujiua mwenyewe wakati wa oparesheni ya kumsaka. Marekani imepuuza jukumu la vikosi vya Kikurdi katika oparesheni hiyo. Akizungumzia oparesheni hiyo Oktoba 27, Rais wa Marekani Donald Trump alisema vikosi hivyo "vilisaidia" kutoa habari lakini akaongeza hawakufanya ''jukumu lolote ...
Endelea kusoma