KOREA KASKAZINI YARUSHA KOMBORA TOKA KWENYE NYAMBIZI BAHARINI! LATUA KARIBU NA ARDHI YA JAPANI.

What appears to be a submarine-launched ballistic missile (SLBM) flies in an undisclosed location in this undated picture released by North Korea's official news agency
Haki miliki ya pichaKCNA VIA REUTERS
Korea kaskazini imethibitisha kufanya jaribio la kurusha aina mpya ya kombora, baada ya kufanikiwa kurusha makombora ya masafa mafupi tangu mwezi Mei.
Jaribio hili nchini humo ni la kumi na moja kwa mwaka huu ambapo makombora yenye uwezo wa kubeba silaha za nyuklia yanarushwa.
Lakini utofauti wa jaribio hili ni kuwa, kombora halijarushwa kutoka ardhini, bali kwenye nyambizi chini ya bahari.
Kombora hili kuwa na uwezo wa kurushwa kutoka majini ni umuhimu zaidi kwa nchi hiyo kwa kuwa sasa wanauwezo wa kufanya mashambulizi mbali ya eneo lao.
Kwa mujibu wa maofisa wa Korea Kusini, kombora hili lina uwezo wa kuruka kwa kasi ya km 450 na kufika urefu wa km.910 kabla alijashuka baharini.
Hii ina maanisha kuwa makombora haya yana uwezo wa kuruka umbali mrefu mara mbili wa kiwango cha kimataifa ingawa makombora ya awali ya Korea Kaskazini yalikuwa na uwezo wa kuruka mbali zaidi.
Kombora hilo liangukia baharini upande wa Japani, unaoitwa upande wa mashariki wa bahari.
Japani imedai kuwa kombora hilo limetua katika umbali wa kilimita 200 kutoka ardhi yake. .
Jaribio hilo linakuja muda mfupi baada ya Korea Kusini kusema kuwa mazungumzo ya nyuklia kati yao na Marekani yataendelea.
What appears to be a submarine-launched ballistic missile (SLBM) flies in an undisclosed location in this undated picture released by North Korea's official news agencyHaki miliki ya pichaREUTERS
Image captionPicha iliyoonyeshwa kwenye televisheni ya taifa hilo
Nini kinafahamika kuhusu makombora hayo?
Makombora hayo yalizinduliwa baharini siku ya Jumatano majira ya saa saba usiku saa za Afrika mashiriki, kilomita 17 kaskazini mashariki mwa fukwe za mji wa Wonsan .
Ripoti kutoka televisheni ya taifa hilo KCNA imesema kuwa leo Alhamisi, majaribio matatu kutoka juu yatarushwa ," makombora haya yamebuniwa kutoa vitisho kwa mataifa mengine na kujilinda".
KNCA imeongeza kuwa hakuna madhara yatayotokea kwa nchi za jirani.
Tofauti na majaribio ya awali hakukuwa na picha ya rais Kim Jong-un katika uzinduzi .
Katika majaribio kumi ya awali ya kurusha makombora mwaka huu, ni makombora la masafa mafupi tu ndio yaliorushwa.
Kuna umuhimu wa kuwa na makombora ya majini?
Kama makombora hayo yalizinduliwa kwa kiwango cha kawaida, basi yale yaliyorushwa kwa kunyooka wima yana uwezo wa kusafiri kwa karibu kilomita 1900.
Hivyo masafa hayo yanaweza kuzifikia Japani na Korea Kusini.
Lakini suala la makombora hayo kuzinduliwa majini, yanaweza kufanya makombora hayo kuwa na wakati mgumu kufanya kazi na kuziruhusu kufikia maeneo mengine walioyalenga.
Korea Kaskazini ina nyambizi iitwayo 'Romeo' kilijengwa mwaka 1990, na wanaamini kuwa na kasi ya kilomita 7,000 ,Reuters imeripoti.
Nyambizi hiyo ina uwezo wa kufanya safari ya moja kwa moja mpaka kufikia Hawaii, Marekani.
Chombo hicho cha majini kinachotumia nguvu ya mafuta ya dizeli, hata hivyo kinapiga kelele ambazo zinaweza kurahisisha kugundulika kirahisi.
Presentational grey line
Kuzinduliwa kwa kombora hilo la majini na Korea Kaskazini ni hatua mbaya zaidi kwa usalama wa majirani zake wa ukanda wa kaskazini mashariki mwa Asia.
Kombora hili limezinduliwa kwa mipango ya baadae ya majini lakini uzinduzi huu hauoneshi hilo.
Wataalamu waliounda kombora hilo Korea Kaskazini wanasema kuwa ni hatari sana kufanya operesheni hiyo ya jaribio la kurusha kombora majini.
Ingawa kurushwa kwake kunaonekana kuwa ni mafanikio makubwa.
Kama kombora hilo lingerushwa kama kawaida, yangeweza kufika katika visiwa vikubwa vinne vya Japan na ukanda wote wa Korea Kusini.
Hii inatajwa kuwa mfumo hatari zaidi wa teknolojia ya kombora kutambulishwa katika taifa hilo.
Presentational grey line
Kabla ya jaribio la kurushwa kwa kombora hilo, Korea Kaskazini na Marekani zilithibitisha kuwa inajiandaa kufanya mazungumzo kuhusu nyuklia ndani ya wiki hii. Ingawa hakuna uhakika kama mazungumzo hayo yataendela .
Marekani ilikuwa na lengo la kutaka taifa hilo kusitisha matumizi ya nyuklia.
Majadiliano kati ya Marekani na Korea Kaskazini yalianzia kwenye mkutano wa Hanoi, kati ya rais Donald Trump na Kim mwezi Februari bila ya kufikia makubaliano.
Wataalamu wanasema kuwa jaribio hilo kufanyika na kutangaza kwa mazungumzo hayo kuendelea kunaweza kuibua mgogoro.
Graphic showing a range of missiles built by North Korea
Image captionMchoro huu hauoneshi kama kombora la 'Pukguksong-3', lina uwezo wa kuruka kwa kilomita 1,900

Maoni

Chapisha Maoni

Machapisho maarufu kutoka blogu hii

Nani aligharamia ukarabati wa kifahari wa ofisi ya Mkuu wa mkoa

Picha
Picha zimekuwa zikisambaa kwenye mitandao kuonyesha ufahari wa hali ya juu wa ofisi ya Mkuu wa mkoa wa dar es salaam. Ofisi hiyo imekuwa tofauti kabisa na ile ya Mkuu wa mkoa aliyepita bwana Sadick, ofisi ya Makonda ina kompyuta kadhaa za apple,mapambo mengi ya kila aina yanayoashiria ufahari na utukufu wa hali ya juu kuliko hata ofisi ya rais. Nani aligharamia ufahari huu wakati hata ikulu haijabadili muonekano? Kulikuwa na umuhimu wa kuweka ufahari huo katika kipindi hiki cha kubana matumizi? Nini kilipungua katika ofisi ya aliyekuwa Mkuu wa mkoa mpaka ufahari uongezwe katika jiji ambalo limezungukwa na wananchi wenye hali ngumu na maisha yasiyoridhisha. By iparamasa
Endelea kusoma

Abu Bakr al-Baghdadi: Nguo ya ndani ya kiongozi wa IS 'iliibiwa' kufanya uchunguzi wa DNA

Picha
Haki miliki ya picha Image caption Vikosi vya muungano vya Syria (SDF) vinavyoongozwa na wapiganaji wa Kikurdi vinasema majasusi waliiba nguo za ndani za Abu Bakr al-Baghdadi ambayo ilitumiwa kufanya uchunguzi wa chembe chembe za vinasaba, DNA kabla auawe. Kamanda wa mwandamizi wa SDF Polat Can anadai kuwa wapelelezi wao walichangia kwa kiasi kikubwa juhudi za kupata maficho ya kiongozi wa kundi la Islamic State (IS) kabla ya oparesheni ya vikosi maalum vya Marekani nchini Syria. Serikali ya Tanzania yalaumiwa kuhusu wakimbizi wa Burundi Asili ya binaadamu wa leo 'yagunduliwa Botswana' Rais mstaafu Kenya atibiwa hospitalini, sio mara ya kwanza Baghdadi alijilipua na kujiua mwenyewe wakati wa oparesheni ya kumsaka. Marekani imepuuza jukumu la vikosi vya Kikurdi katika oparesheni hiyo. Akizungumzia oparesheni hiyo Oktoba 27, Rais wa Marekani Donald Trump alisema vikosi hivyo "vilisaidia" kutoa habari lakini akaongeza hawakufanya ''jukumu lolote ...
Endelea kusoma