BREAKING NEWS! UTURUKI YADUNGUA NDEGE YA URUSI!


Rais wa Urusi, Vladmir Putin, amesema kitendo cha Uturuki kuidungua ndege yake ya kivita mpakani mwa Syria, ni sawa na kuchomwa kisu mgongoni na kwamba ndege hiyo haikuwa na kitisho chochote kwa Uturuki.
Ndege ya kijeshi ya Urusi
Rais wa Urusi, Vladmir Putin amesema kitendo cha Uturuki kuidungua ndege yake ya kivita mpakani mwa Syria, ni sawa na kuchomwa kisu mgongoni na kwamba ndege hiyo haikuwa na kitisho chochote kwa Uturuki.
Akizungumza mjini Sochi, wakati wa mkutano wake na Mfalme Abdullah wa Pili wa Jordan, Putin amesema kitendo hicho kitakuwa na madhara makubwa katika uhusiano wa Urusi na Uturuki. Amesema watakitathmini kitendo hicho kubaini yale yote yaliyotokea. Amefafanua kuwa kitendo cha Uturuki kuidungua ndege yake ya kivita chapa SU-24, kimefanywa na washirika wa magaidi.
Amekanusha taarifa kwamba ndege hiyo ambayo Uturuki inadai ilipuuza onyo walilolitoa, ilivuka mpaka wa Syria na kuingia katika anga ya Uturuki bila ya idhini, akisema imeangukia umbali wa kilomita 4 kutoka kwenye mpaka wa Uturuki.
''Ndege yetu ilidunguliwa katika ardhi ya Syria kwa kombora lililorushwa na ndege za kijeshi za Uturuki chapa F-16. Wakati iliposhambuliwa ilikuwa angani umbali wa futi 19,685, ambayo ni kilomita 1 kutoka kwenye mpaka na Uturuki. Hivyo haikuwa na kitisho chochote kwa jamhuri ya Uturuki,'' alisema Putin.
Putin aikosoa Uturuki
Rais wa Urusi, Vladimir Putin, amesema atachukua hatua dhidi ya waliodungua ndege Rais wa Urusi, Vladimir Putin, amesema atachukua hatua dhidi ya waliodungua ndege
Rais Putin pia ameikosoa hatua ya Uturuki kuigeukia Jumuiya ya Kujihami ya NATO kuzungumzia tukio hilo, badala ya kwanza kuelezea kile kilichotokea kwa Urusi na ametoa salamu za rambirambi kutokana na kifo cha rubani wa Urusi ambaye iliripotiwa kwamba alitekwa nyara na kisha kuuawa.
Waziri Mkuu wa Uturuki, Ahmet Davutoglu amesema leo kuwa nchi yake ilikuwa na haki ya kimataifa na wajibu wa kuchukua hatua dhidi ya mtu anayekiuka anga au mipaka yake. Akizungumza kwenye mji mkuu wa Uturuki, Ankara, Davutoglu, amesema dunia inapaswa kufahamu kwamba Uturuki itafanya chochote kinachowezekana kwa ajili ya usalama wa nchi hiyo.
Wakati hayo yanajiri, wizara ya mambo ya nje ya Uturuki leo imewaita wanachama wa kudumu wa Baraza la Usalama la Umoja wa Mataifa ambao ni Marekani, Urusi, Ufaransa, China na Uingereza, ili kuwaeleza kuhusu kilichosababisha waidungue ndege ya kivita ya Urusi.
Wakati huo huo mabalozi wa NATO watakutana kwa dharura, mkutano unaofanyika kutokana na ombi la Uturuki, baada ya nchi hiyo kuidungua ndege ya kivita ya Urusi. Mkutano huo wa Baraza linalopitisha maamuzi ndani ya NATO na kuwajumuisha mabalozi kutoka Marekani na nchi nyingine 27 wanachama wa NATO, utafanyika jioni hii, ambapo Uturuki itawaeleza washirika wake kuhusu kudunguliwa kwa ndege hiyo.

Maoni

Chapisha Maoni

Machapisho maarufu kutoka blogu hii

Nani aligharamia ukarabati wa kifahari wa ofisi ya Mkuu wa mkoa

Picha
Picha zimekuwa zikisambaa kwenye mitandao kuonyesha ufahari wa hali ya juu wa ofisi ya Mkuu wa mkoa wa dar es salaam. Ofisi hiyo imekuwa tofauti kabisa na ile ya Mkuu wa mkoa aliyepita bwana Sadick, ofisi ya Makonda ina kompyuta kadhaa za apple,mapambo mengi ya kila aina yanayoashiria ufahari na utukufu wa hali ya juu kuliko hata ofisi ya rais. Nani aligharamia ufahari huu wakati hata ikulu haijabadili muonekano? Kulikuwa na umuhimu wa kuweka ufahari huo katika kipindi hiki cha kubana matumizi? Nini kilipungua katika ofisi ya aliyekuwa Mkuu wa mkoa mpaka ufahari uongezwe katika jiji ambalo limezungukwa na wananchi wenye hali ngumu na maisha yasiyoridhisha. By iparamasa
Endelea kusoma

Abu Bakr al-Baghdadi: Nguo ya ndani ya kiongozi wa IS 'iliibiwa' kufanya uchunguzi wa DNA

Picha
Haki miliki ya picha Image caption Vikosi vya muungano vya Syria (SDF) vinavyoongozwa na wapiganaji wa Kikurdi vinasema majasusi waliiba nguo za ndani za Abu Bakr al-Baghdadi ambayo ilitumiwa kufanya uchunguzi wa chembe chembe za vinasaba, DNA kabla auawe. Kamanda wa mwandamizi wa SDF Polat Can anadai kuwa wapelelezi wao walichangia kwa kiasi kikubwa juhudi za kupata maficho ya kiongozi wa kundi la Islamic State (IS) kabla ya oparesheni ya vikosi maalum vya Marekani nchini Syria. Serikali ya Tanzania yalaumiwa kuhusu wakimbizi wa Burundi Asili ya binaadamu wa leo 'yagunduliwa Botswana' Rais mstaafu Kenya atibiwa hospitalini, sio mara ya kwanza Baghdadi alijilipua na kujiua mwenyewe wakati wa oparesheni ya kumsaka. Marekani imepuuza jukumu la vikosi vya Kikurdi katika oparesheni hiyo. Akizungumzia oparesheni hiyo Oktoba 27, Rais wa Marekani Donald Trump alisema vikosi hivyo "vilisaidia" kutoa habari lakini akaongeza hawakufanya ''jukumu lolote ...
Endelea kusoma